Anpil moun panse depi yo gen lajan disponib, yo ka jis achte machandiz epi vann. Konsa, y ap kòmanse fè anpil benefis. Malerezman, gen anpil nan moun sa yo ki desepsyone lè yo reyalize ke bagay yo p ap avanse jan yo te prevwa sa. Ki kote vrè pwoblèm nan ye?
Repons lan senp: Pat gen yon Planifikasyon ki te fèt anvan sa. Nan kou sa w ap aprann fason pou w pran yon ide epi fè l tounen yon biznis. N ap anseye w fason pou w kreye misyon, vizyon, objektif, analiz elatriye. W'ap vin alèz nan kreye plan biznis lè w fini kou a.
N ap anseye w tou fason pou w kreye yon biznis Etazini. Lè w fini kou a, nonsèlman w ap ka kreye biznis pou tèt pa w, men tou, w ap ka kreye biznis pou lòt moun tou.
- Teacher: Dieudonne Vernet
Si w ap viv Etazini, Ou konnen de Janvye a Avril gen yon obligasyon pou prèske tout moun k ap viv nan peyi a fill taks, sa gen ladan'l yon seri ti biznis tou. Anpalan de biznis, pou biznis ki kòmanse rantre plis kòb yo, yo dwe fill taks chak twa mwa. Plis pase 70% moun sa yo bezwen yon moun ki pou ede yo fill taks chak ane. Se sak fè gen gwo demann pou pwofesyonèl ki konn fill taks.
Nan Kou sa a W ap Aprann bonjan fason ou ka fill taks pou on menm ak fanmi w oswa zanmi w. Anplis de sa, n'ap anseye w fason ou ka fè bonjan lajan lè w fill taks pou lòt moun tou. Sepandan, nou pa senpleman rete sou koze fill taks sèlman.
Anvan sezon taks la rive, gen anpil preparasyon yon moun oswa yon biznis bezwen fè yon fason pou tout papye ka pare nan moman pou taks la fill la. Jeneralman, nou konn rele aktivite sa yo "Book Keeping".
Nan kou sa a, n'ap aprann ou yon seri prensip book keeping ki itil anpil k'ap ka ede w oswa kliyan w yo prepare yo pou sezon taks yo.
- Teacher: Dieudonne Vernet
Jounen jodi a, Li pa nesesè pou w ale nan lokal yon biznis si w vle achte yon pwodui oswa sèvis ankò. Ou ka jis pran telefòn ou, epi w achte pwodui a epi y'ap pote l ba ou kote w vle a. Anfèt, chak jou ki pase, plis moun prefere achte sou entènèt. Kounya ou ka vann san pwoblèm sou TikTok, Instagram, Facebook, Amazon, oswa Sou Pwòp Sit Pa w Kèlkeswa kote w ye a.
Gen plizyè milya dola k' ap brase sou nèt la chak jou nan kesyon tranzaksyon Anliy. Nan kou sa, w ap aprann bonjan fason pou w kreye yon shop anliy epi konekte l ak diferan rezo sosyal yo yon fason w ka fè lajan sou nèt la san pwoblèm. Lè w fini kou sa, w'ap ka kreye kèlkeswa sit la. Si w vle vann pa mwayen drop shipping, w ap ka fè sa tou san okenn difikilte.
Nan kou sa nou anseye teknoloji tankou: Woocommerce, Shopify, TiktokShop, Metashop, Walmart, Amazon, Ebay, Alidropship, elatriye. Sa a se kou E-commerce ki pi konplè ki egziste sou mache a an Kreyòl Ayisyen. Pran Kou a jodi a epi kòmanse reyalize rèv ou. Reyisit ou pi Pre ke sa w te ka imajine!
- Teacher: Dieudonne Vernet
